Mbeti i plagosur dhe u përfundoi në spital pas shpërthimit në Lushnjë, rikthehet në Kuvend deputeti i PS

Në foton e publikuar nga Agim Rama, Çela shihet teksa merr pjesë në mbledhjen e grupit parlamentar të PS të thirrur sot nga Bledi Çuçi.

Është paraqitur ditën e sotme në Kuvend deputeti i Partisë Socialiste në Lushnjë, Bujar Çela. 

Bëjmë me dije se Çela i është rikthyer jetës parlamentare pas daljes nga spitali ku po trajtohej për plagët e marra nga shpërthimi i ndodhur në magazinën e tij në 1 mars në Lushnje.

Në foton e publikuar ditën e sotme nga Agim Rama, Çela shihet teksa merr pjesë në mbledhjen e grupit parlamentar të PS të thirrur sot nga Bledi Çuçi.

Kujtojmë se si pasojë e shpërthimit të ndodhur në 1 mars, humbën jetën babë e bir Roland dhe Elidon Hoxha të cilët po punonin me vinç në magazinën në pronësi të deputetit, ndërsa mbetën të plagosur 7 të tjerë.

Deputeti po hetohet nga prokuroria për vepra penale “Shkelja e rregullave të mbrojtjes në punë”, “Ndërtimi i paligjshëm”, dhe “Shkatërrimi i pronës nga pakujdesia”./gsh