“Kam 15 vite që sorrollatem për pronat”, Orinda Huta: Kam marrë kërcënime nga të ashtuquajturit ‘dajat’

Vrasja në sallën e gjyqit e të ndjerit gjykatës Astrit Kalaja ka ngjallur indinjatë, pasiguri, por ka hapur edhe një ‘plagë’ të madhe shoqërore, siç është padrejtësia e bërë me pronat. Duket se në këto telashe e kanë gjetur veten edhe personazhe të njohur mediatikë. Pas reagimit të Marie Poradecit, është bërë i njohur edhe reagimi i Orinda Hutës. Këngëtarja dhe moderatorja sqaron në një story të gjatë se ka 15-vite që sorrollatet gjykatave dhe si të mos mjaftonte kjo, ka marrë edhe kërcënime nga dajat e saj, vetëm pse kërkon atë që i takon:

“Vrasja e tmerrshme e gjyqtarit (ndjesë pastë) është këmbanë alarmi jo vetëm për ngjërjen, por edhe për reagimin e njerëzve më pas. Nuk e besoj dot që njerëzit e duartrokasin një veprim kafshëror. Unë jam vetë pjesë e një procesi gjyqësor që zgjat prej 15 viteve e nuk i jepet zgjidhje. Zoti e di sa do zgjasë se Akoma s’ka kaluar në shkallë të parë mes palëve, jemi Akoma me shtetin. Por janë tokat e mamasë sime dhe do i marr, njësoj siç i takojnë të gjithëve që janë pjesëtarë. E në këto vite kam marrë shpesh kërcënime nga të ashtuquajtur ‘daja’ pse po kërkoja të drejtën e familjes sime. E njoh mirë frustrimin e proceseve të gjata pa fund, por që të biesh dakort me krimin e ta vlerësosh….KY ËSHTË FUNDI!”, përfundon postimi i Orindës.