Kini kujdes çfarë thoni’/ Rusia gjurmon satelitët gjermanë, Berlini paralajmëron për ‘lu*të hapësinore’
Ministri gjerman i Mbrojtjes, Boris Pistorius, deklaroi sot se Rusia po gjurmon aktualisht dy satelitë Intelsat të përdorur nga ushtria gjermane. Paralajmërimi u bë gjatë një konference në Berlin, ku Pistorius njoftoi gjithashtu një investim prej 35 miliardë eurosh në programet hapësinore të Gjermanisë për pesë vitet e ardhshme.
Sipas tij, Rusia dhe Kina kanë tashmë aftësi për t’u angazhuar në luftë hapësinore dhe kanë zënë pozicione strategjike në orbitë. “Ata mund të bllokojnë satelitët. Ushtria gjermane ka qenë tashmë shënjestër e sulmeve të tilla”, tha Pistorius.
Ai shtoi se satelitët rusë të zbulimit Luch-Olymp janë duke gjurmuar dy satelitë Intelsat që shërbejnë edhe për forcat gjermane. Ministri paralajmëroi se aktualisht mbi Berlin po fluturojnë 39 satelitë rusë dhe kinezë, të cilët transmetojnë vëzhgime në kohë reale. “Prandaj, kini kujdes çfarë thoni”, theksoi Pistorius.
Rusia nuk ka komentuar ende mbi këto deklarata.
Ndërkohë, ai pranoi se Evropa vazhdon të mbetet prapa SHBA-së, Rusisë dhe Kinës në fushën hapësinore, duke u mbështetur historikisht te Uashingtoni për sigurinë në orbitë. Aktualisht, kontinenti ka vetëm një bazë lëshimi raketash në Guianën Franceze, ndërsa për raste të tjera përdor edhe qendrën amerikane të NASA-s në Cape Canaveral.
