Një ngjarje e rëndë tronditi qytetin e Durrësit ditën e sotme, kur një burrë 44-vjeçar humbi jetën pas kontaktit me ujin dhe kabllot elektrike të një shtylle të dëmtuar, që ndodhej në mes të rrugës.
Tragjedia ndodhi në një zonë të përmbytur nga reshjet e dendura, ndërsa banorët dhe bizneset përreth raportojnë se paralajmërimet për rrezikun e shtyllës ishin bërë prej ditësh, por askush nuk ndërhyri për ta eliminuar atë.
Mësohet se viktima është Fatbardh Kaloshi, baba i 3 fëmijëve.
Biznese pranë zonës shprehen jashtë kamerave se prej një jave kanë raportuar rrezikun që mbarte shtylla e dëmtuar, por askush nuk është kujdesur për të.
