Një video e publikuar në rrjetet sociale nga shqiptari Arben Pango, kunati i kreut të SPAK, Altin Dumani, ka zbuluar “pritjen” që i është bërë këtij të fundit në New Jersey.
Në pamje shihet Dumani i ulur në një divan tipik shqiptar, duke ndjekur performancën e Pangos që i bie tupanit. Festa lidhej me dasmën e vajzës së Pangos, e cila është mbesa e gruas së kreut të SPAK.
Pamjet dalin në një kohë kur kryeqyteti shqiptar zien nga lajmet se vizita e Dumanit në SHBA u zhvillua pas një thirrjeje nga Departamenti Amerikan i Shtetit, ku ai pritej nga drejtuesi për çështjet e Europës dhe Azisë, Brandon Hanrahan.
Sesi është e vërteta e takimeve në DASH mbetet ende e paqartë, por fakti se kreu i SPAK kishte edhe arsye personale për vizitën e tij në SHBA tashmë është i dukshëm. /Shqip
