“Formula 1 në Elbasan!”/ Nis të marrë formë automotoparku sportiv, Rama: “Qershia mbi tortë” e Shqipërisë 2030
Automotoparku, kompleksi sportiv ndërkombëtar që po ndërtohet në Elbasan, po merr gjithnjë e më shumë formën përfundimtare.
Pamjet e punimeve u shpërndanë nga kryeministri Edi Rama në rrjetet sociale, i cili theksoi se ky projekt strategjik do të sjellë një ndryshim të madh në shërbimet e auto-motorizimit, por edhe në infrastrukturën sportive e turistike të vendit.
Sipas tij, ky investim do të përfshijë gjithçka, nga Qendra Kombëtare për Sigurinë Rrugore deri tek gara e Formula 1, të cilën Rama e cilësoi si “qershia mbi tortë e Shqipërisë 2030”.
Postimi i plotë:
Po merr formë hap pas hapi Automotoparku në Elbasan, kompleksi sportiv ndërkombëtar, sipas standardeve më të larta të FIA dhe FIM
Ky investim strategjik do të sjellë një transformim të rëndësishëm në shërbimet e automotorizimit dhe në infrastrukturën sportive e turistike të Shqipërisë, që nga Qendra Kombëtare për Sigurinë Rrugore deri tek Formula 1 si qershia mbi tortë e Shqipërisë 2030.
