Zbulo parfumin e përsosur të vjeshtës, bazuar në shenjën tënde të horoskopit

Kush s’do ëndërronte të kishte një aromë personale, diçka që, sapo dikush ta nuhasë, menjëherë të të kujtojë. Ndoshta tingëllon pak egoiste, por ideja për të pasur një parfum që lidhet ngushtë me identitetin e secilit prej nesh, është magjepsëse.

Fatkeqësisht, është e vështirë të zgjedhësh mes kaq shumë mundësish. Sapo bie në dashuri me një aromë, menjëherë të josh një tjetër. Dhe le të jemi të sinqertë: të hedhësh një aromë verore në vjeshtë, ose një parfum dimri në pranverë, duket si një krim i vogël. Një parfum me aromë kokosi në tetor? Thjesht nuk përshtatet me ndjesinë e ngrohtë të sezonit.

Prandaj, në vend që të përpiqeni të jeni besnikë ndaj një parfumi të vetëm gjatë gjithë vitit, ndërtoni një gardërobë aromash, me nga një parfum për çdo stinë. Dhe meqë jeni këtu, ia lini në dorë shenjës suaj të horoskopit. Fundja, çfarë mënyre më të mirë ka për të gjetur një aromë që flet me shpirtin tuaj sesa duke “konsultuar” yjet?

Lexoni më poshtë për të zbuluar parfumin ideal për ju këtë vjeshtë, sipas shenjës tuaj të zodiakut:

Dashi: Rose 31 Eau de Parfum – Le Labo

Dashi nuk ka punë fare me aromat e lehta. Ju doni një aromë të fuqishme që tërheq vëmendjen sapo hyni në një dhomë. Rose 31 nga Le Labo është një aromë me trëndafil pikant dhe një nuancë të ëmbël, e përkryer për vjeshtë. Është aromë uniseks dhe ideale për shpirtin e zjarrtë të Dashit.

Demi: Fall Cashmere – Skylar

Demit i pëlqejnë gjërat e mira të jetës, përfshirë këtu edhe parfumet. Ata kërkojnë një aromë që ndihet si një triko e shtrenjtë kashmiri: luksoze dhe e denjë. Fall Cashmere nga Skylar ka nota bajameje dhe xhenxhefili, që kalojnë në aroma më të thella si kanellë, karafil dhe çaj matcha, një aromë tipike vjeshtake.

Binjakët: Burberry Goddess Eau de Parfum – Burberry

Binjakët janë të shumëanshëm, prandaj edhe parfumi i tyre duhet të pasqyrojë këtë karakteristikë. Goddess nga Burberry nis me lavandë të freskët dhe më pas kalon në nota të ëmbla vaniljeje. Një parfum që përfaqëson në mënyrë perfekte natyrën e dyfishtë të Binjakëve.

Gaforrja: Gris Charnel Eau de Parfum – BDK Parfums

Gaforret kërkojnë komoditet dhe ngrohtësi emocionale, edhe në parfumin e tyre. Gris Charnel është një aromë e butë që të kujton një filxhan çaji në një ditë të freskët vjeshte. Me nota kardamomi, fiku dhe çaji të zi, aroma është ideale për t’u mbështjellë në një batanije duke lexuar një libër të mirë.

Luani: Fleurs Éclair Eau de Parfum – Régime des Fleurs

Luanët duan të shkëlqejnë dhe parfumi i tyre duhet të jetë po aq i paharrueshëm. Fleurs Éclair hapet me nota si gjalpë kakaoje, sheqer dhe trëndafil dhe theksohet me lule portokalli, jasemini dhe amber. Një aromë luksoze që përfaqëson energjinë e ndritshme të Luanit.

Virgjëresha: Xtra Milk Eau de Parfum – DedCool

Virgjëreshat janë praktike dhe perfeksioniste. Kërkojnë një parfum që funksionon në çdo ambient, nga zyra te një darkë jashtë. Xtra Milk ka një aromë të pastër me myshk të bardhë që të kujton rrobat e sapolara, freski dhe qëndrueshmëri në një shishe.

Peshorja: Bo Eau de Parfum – Liis

Peshoret kërkojnë barazpeshë dhe harmoni, edhe në parfum. Bo nga Liis është një aromë vaniljeje shumë e ekuilibruar, me nota të gjetheve të duhanit, pishës dhe kedrit. Asgjë nuk dominon, thjesht një kombinim perfekt i të gjithave.

Akrepi: You Rêve Eau de Parfum – Glossier

Akrepat janë misteriozë dhe joshës, si vetë kjo aromë nga Glossier. Nuk mund të përcaktosh saktësisht se çfarë ndjen, por thjesht të tërheq. Me nota të tilla si krem gjalpi, kumbull, bajame, irisi dhe dru sandali, është një version më i thellë i aromës Glossier You, personal dhe ndryshe për çdo njeri.

Shigjetari: Mrs. Smith Body Mist – Phlur

Shigjetarët janë energjikë dhe aventurierë. Ata kërkojnë një aromë që është po aq e gjallë sa vetë ata. Mrs. Smith nga Phlur është një aromë e freskët që të kujton një mollë të kuqe të sapo këputur, perfekte për shpirtin e lirë të kësaj shenje.

Bricjapi: Rare Eau de Parfum – Rare Beauty

Bricjapët janë ambiciozë dhe të përmbajtur, por edhe duan momente pushimi. Parfumi nga Rare Beauty kombinon karamelin, piperin rozë dhe pistacin me një bazë të butë vaniljeje. Një aromë relaksuese për t’ju kujtuar që të merrni frymë dhe të kujdeseni për veten.

Ujori: Vanilla Verve Perfume Oil – Cyklar

Ujorët janë krijues dhe unikë dhe një parfum i zakonshëm nuk u shkon. Vanilla Verve nga Cyklar ka nota të veçanta si bergamot, dru kedri, amber dhe tonka. Një aromë druri me ngrohtësi, që pasqyron karakterin origjinal të Ujorit.

Peshqit: Liberty Maze Eau de Parfum – Liberty LBTY

Peshqit e adhurojnë verën dhe kanë vështirësi ta lënë pas. Prandaj, një parfum vjeshtak për ta duhet të ruajë ndjesinë e freskët verore. Liberty Maze ka nota çaji dhe lule të bardha, një aromë e freskët dhe e lehtë që e bën kalimin më të butë nga vera në vjeshtë.