“Nuk do ia shoh më sytë”/ Alba dhe Limi sërish bashkë? Detaji që ‘trazoi’ rrjetin
Lim Hoti dhe Alba ishin pa dyshim një nga çiftet më të komentuar të reality show-t FermaVIP 2, ku lidhja e tyre krijoi polemika brenda fermës dhe shkaktoi shumë reagime në publik.
Pas daljes nga ferma, Alba dhe Limi njoftuan se kanë nisur bashkëjetesën në shtëpinë e këngëtarit, por shumë shpejt pas këtij lajmi njoftuan ndarjen.
Edhe pse u mendua se për çiftin nuk kishte një të ardhme, kanë nisur të qarkullojnë fjalë se dyshja është rikthyer në krahët e njëri-tjetrit. Kjo, pasi Alba ka publikuar disa pamje në rrjetet sociale, ku ndjekësit e vëmendshëm kanë vënë re detaje që përputhen me ambientet e shtëpisë së Limit.
Ky detaj nuk i ka shpëtuar fansave të çiftit, të cilët janë të bindur se dyshja mund të jetë rikthyer sërish bashkë. Deri tani nuk ka asnjë konfirmim zyrtar nga ana e tyre, por mbetet për t’u parë nëse do të kemi një deklaratë publike apo një dalje të përbashkët që do të zbulojë të vërtetën.
