Një aksident me 4 të plagosur ka ndodhur pasditen e sotme në vendin e quajtur Qafa e Koshovicës në Fier. Një automjet tip Benz ka dalë nga rruga dhe është përmbysur.
Drejtuesi i mjetit dhe 3 pasagjerët janë dërguar në spitalin e Fierit për të marrë ndihmë mjekësore.
Policia po punon për të zbardhur shkaqet e aksidentit.
Fier/Informacion paraprak
Rreth orës 20:00, në vendin e quajtur “Qafa e Koshovicës”, shtetasi E. S., 44 vjeç, banues në Patos, duke drejtuar automjetin dyshohet se ka humbur kontrollin mbi drejtimin e automjetit i cili ka dalë nga rruga.
Si pasojë janë dëmtuar tre pasagjerët, si dhe vet drejtuesi i automjetit, të cilët ndodhen në spital, në kujdesin e mjekëve, jashtë rrezikut për jetën.
Grupi hetimor po punon për zbardhjen e rrethanave dhe përcaktimin e shkakut të aksidentit.
