Pensionisti mbetet me ‘gisht në gojë’ pasi udhëtoi 800 km për të takuar ‘gruan e ardhshme’. Ja ‘surpriza’ me të cilën përballet
Një pensionist i cili udhëtoi 800 kilometra për të takuar ‘gruan e tij të ardhshme’, ka mbetur i skandalizuar. 76-vjeçari nga Belgjika besonte se po udhëtonte për në Francë, për të takuar ‘dashurinë e jetës së tij’, modelen e famshme Sophie Vouzeland, së cilës besonte se i kishte dërguar 25,000 paund.
Megjithatë, kur Michel mbërriti në shtëpinë në Saint-Julien të Francës, ai u prit nga bashkëshorti i modeles shtatzënë, Fabien. Iluzionet e pensionistit u shkatërruan pasi ai u prezantua si “bashkëshorti i ardhshëm” i 38-vjeçares, të cilit pronari i shtëpisë iu përgjigj: “Epo, unë jam ai aktuali”.
Michel kishte përshtypjen se kishte folur me Sophie-n në WhatsApp, dhe gjatë lidhjes së rreme dashurore online, Michel madje i kishte dërguar një kredi prej 25,000 £, me bindjen se po e ndihmonte modelen, raoporton Mirror.
Megjithatë, dikush kishte pozuar si nënkampionia e Miss Franca 2007, gjë që u bë e qartë në një video të postuar nga çifti në mediat sociale, të cilën ata thanë se e kishte për qëllim të rriste ndërgjegjësimin për mashtrimet romantike.
Në klip, Michel tha: “Mendoj se ajo më bëri një hile. Jam budalla”, përpara se t’i tregonte Fabienit mesazhet në WhatsApp.
Burri i Sofisë theksoi: “Gruaja ime, jo, janë llogaritë e rreme. Duhet të jesh shumë i kujdesshëm.”
Ai e postoi videon në Instagram pa zbuluar identitetin e burrit, me mbishkrimin: “Më vjen shumë keq për këtë burrë. Kini kujdes nga llogaritë e rreme. Po e ndaj këtë video për t’ju treguar se është e vërtetë dhe të jeni vigjilentë! Kujdesuni për veten.”
Sophie, e cila pret një fëmijë me Fabienin, tha se ndihej e keqardhur për incidentin./ Daily Express.
