A po lind një romancë në Ferma VIP? Lim Hoti “i vë syrin” Esterit, përqafime dhe biseda të ngrohta
Reality show-i i shumëpritur “Ferma VIP” ka nisur këtë të hënë në ekranin e Vizion Plus dhe tashmë duket shfaqur ngacmimet e para mes konkurentëve. Këngëtari Lim Hoti ka shprehur hapur pëlqimin e tij për aktoren Ester Alushi, duke i bërë kështu një deklaratë që tërhoqi vëmendjen e të gjithëve.
Në një moment të zhvillimeve në fermë, Andueli e pyeti Lim Hotin se me cilën nga vajzat do të krijonte lidhje, dhe pa hezitim ai dha emrin e Esterit. Reagimi i Esterit nuk ka munguar aktorja ka qeshur me komentin e Limit, duke lënë hapësirë për spekulime të tjera mbi mundësinë e një historie mes tyre.
Por kjo nuk ka qenë e vetmja herë që dyshja ka pasur momente të veçanta. Sot, Limi dhe Esteri janë parë duke u përqafuar ngrohtësisht, duke marrë energjinë e nevojshme për të përballuar punët e ditës. Ata kanë shfaqur gjithashtu një marrëdhënie më private dhe të afërt se me pjesën tjetër të konkurentëve, duke biseduar për jetën e tyre personale dhe lidhjet e kaluara. Të dy ata kanë zbuluar se janë aktualisht single.
A do të evoluojë kjo miqësi në diçka më shumë? Kohën do ta tregojë! Por, për momentin, çdo hap që Limi dhe Esteri bëjnë është duke u ndjekur me vëmendje nga të gjithë në këtë edicion të “Ferma VIP”.
/vizionplus.tv
