“Gjesti nuk di të këndojë”/Bruno Shemsho: Shoqëria jonë e prapambetur gjen veten tek ai!
“Normalisht që shikojnë veten dhe u duket se kanë një përfaqësues të denjë tashmë…”
ftuar në “Live From Tirana” me Ronaldo Sharkën në Top Albania Radio, ka qenë Bruno Shemsho. Ai ka folur më shumë mbi ndodhitë e fundit në shtëpinë e “Big Brother VIP 4”, si dhe ka analizuar lojën e banorëve. Çfarë mendimi ka ai për secilin prej tyre dhe kë sheh në finale?
Si të duket Gjesti, i cili është bërë kryefjalë në rrjet?
Gjesti nuk di të këndojë, nuk mund të këndojë, nuk ka zë, nuk di të rrepojë, nuk di të krijojë tekste. Nuk ka bagazh të tillë që të krijojë tekste, sepse nuk përdor shumë fjalë. Nuk mund të krijosh këngë me ‘Natën e mirë’ dhe ‘U kry çdo sen’, mendoj unë. Por mund ta krijosh dhe atë dhe prapë viral bëhesh.
Si ka mundësi që këto fjalë janë kthyer në virale në rrjetet sociale?
Unë e kam thënë që janë ‘highlights’ vetëm për një gjë, sepse shoqëria jonë shikon disi veten tek këta njerëz. Shoqëria jonë, në shumicë, është e prapambetur në lidhje me njohurinë, me dijen, me shkollimin. Dhe normalisht që shikojnë veten dhe u duket se kanë një përfaqësues të denjë tashmë. Në këtë rast po marr Gjestin, dhe shikojnë Gjestin si diçka që mund të bëhet viral dhe ‘highlight’.
