Siç na lajmëroi dhe vetë tërthorazi disa ditë më parë, Arbana Osmanin do ta shohim sërish përpara ekranit pas një shkëputjeje 2-vjeçare.
Surpriza është zbuluar dhe Arbana do të bashkëmoderojë me Alketa Vejsiun spektaklin e sotëm të X Factor Albania, që është dhe mbrëmja finale e show-t.
Revista Class lajmëroi se Arbana Osmani do të jetë e ftuara speciale e mbrëmjes. Bashkimi i dy prej moderatoreve më të dashura për publikun shqiptar, është një moment i shumëkërkuar që më në fund po bëhet realitet.
S’na mbetet gjë tjetër tashmë veçse të ndalojmë në kanalin e Tv Klan sonte në orën 21:00 dhe të shijojmë spektaklin që do të jetë përgatitur për ne!
