Lajmi i mirë që ju thamë që herën e kaluar: finalja mbahet më 19 prill! Me këtë entuzaizëm vazhdojmë përmbledhjen:
#1. Gerta – Aldo
Gerta theu kutinë e emergjencës me shpresën për të folur me djemtë e saj. S’e përfitoi këtë, por duhet t’ia jepte një banori tjetër privilegjin. Ia dha Aldos. Duke qenë se asgjë nuk ndodh në atë shtëpi, pamë një debat të lodhur mes të dyve dje, të tipit “Kush je ti e kush jam unë”.
#2. Rozana – Gjesti – Egli
Sërish, meqënëse ASGJË nuk ndodh në këtë Big, do merremi në prime vetëm me fjalë boshe. Gjesti, nga hiçi u kujtua që Rozana qenka tradhtare dhe madje përdor trupin për lojë.
Më pas, pësoi një moment G Banesk dhe s’po i shqitej Rozanës teksa lahej. Egli, rojtarja më besnike e Kingit, u sigurua t’i rikujtojë Rozanës se përdor argumentin e ngacmimeve seksuale për t’u viktimizuar.
#3. Gerta kundër trekëndëshit
Gerta, sërish THOTË se 3 të mësipërmit bëjnë lojë. S’kanë çfarë debatesh të bëjnë tha dhe stisin këtë situatën armiqësore. Të tjerë e akuzuan Gertën se ka hallin e aleancave të saj që janë mbaruar dhe do të sulmojë ato që i quan aleanca të të tjerëve.
#4. Oh jo! Gjesti do të fitojë Big-un
Më në fund dikush po lëvizte nëpër shtëpi të paktën. Gjesti u kthye në ditët e para të lojës së tij dhe filloi të ngacmonte banorët e shtëpisë. “Po shihja a ka puls” tha Kingi dhe mesa duket kishte sepse shumë u bezdisën nga provokimet e tij.
#5. Gerta takoi më në fund djalin
Sërish pak me zor.
#6. Eliminohet Aldo
Pati biletë vajtje-ardhjeje. Ironia e fatit ishte se siç tha dhe vetë, ndihej gati shpirtërisht për të lënë shtëpinë. Ledioni megjithatë arriti ta bindte për t’u rikthyer.
#7. S’ka nominime
Del e gjithë shtëpia në televotim dhe mund të dalë ose 1, ose 2, ose 3 banorë… Mezi po presim./ANABEL
