Parashikimi i frikshëm! Numri i viktimave nga tërmeti në Mianmar mund të kalojë 10 mijë të vdekur
Ekspertët thonë se numri i njerëzve të vrarë në Mianmar pas tërmetit të fuqishëm me magnitudë 7.7 të së premtes mund të arrijë në 10,000.
Numri aktual i të vdekurve është 1,700, me 3,400 të tjerë të plagosur dhe 300 të zhdukur, sipas kanaleve Telegram pro-juntës që drejton vendin.
Por një parashikim i Shërbimit Gjeologjik të SHBA vlerëson se shifra e vdekjeve do të rritet me mijëra dhe mund të arrijë në 10,000. Ai sugjeron gjithashtu se humbjet financiare mund të tejkalojnë prodhimin vjetor ekonomik të vendit.
Tërmeti i Mianmarit ishte një nga më të fortët e vendit në një shekull , tha qeveria e saj ushtarake.
Ndërsa ekipet e shpëtimit të emergjencës kanë filluar të punojnë në zonën më të goditur nga tërmeti, përpjekjet janë penguar nga rrugët e dëmtuara, urat e rrëzuara, komunikimet e dobëta dhe sfidat e operimit në një vend në mes të një lufte civile.
Shumë zona ende nuk janë arritur.
Tërmeti goditi rreth orës 12:50 me orën lokale të premten pranë Mandalay, qyteti i dytë më i madh i Mianmarit, në një thellësi të cekët prej gjashtë miljesh.
Shumica e shpëtimeve ndodhin brenda 24 orëve të para pas një fatkeqësie, me shanset për mbijetesë që zvogëlohen me kalimin e çdo dite.
Tajlanda fqinje u trondit gjithashtu, si në kryeqytetin Bangkok ku u vranë 18 persona, duke përfshirë 11 që vdiqën kur u shemb një qiellgërvishtës në ndërtim e sipër. Të paktën 76 persona janë të zhdukur dhe besohet se janë bllokuar nën rrënoja./bw
