Kreu i Departamentit të Efiçencës Qeveritare (DOGE) Elon Musk ndau shqetësimet e tij për vendin dhe brezat e ardhshëm gjatë një interviste ekskluzive në Fox News.
Epo, ka shumë gjëra për të cilat mendoj se shqetësohem. Dhe disa nga këto gjëra mund të duken të çuditshme për njerëzit.
Shkalla e lindjeve është shumë e ulët në pothuajse çdo vend, dhe nëse kjo nuk ndryshon, qytetërimi do të zhduket,” tha Musk.
Musk vuri në dukje rënien e nivelit të lindjeve në SHBA dhe Korenë e Jugut, duke paralajmëruar se “duket se asgjë nuk po ndryshon. Njerëzimi po vdes”.
Përveç shqetësimit të tij për rënien e lindjeve, themeluesi i Tesla shpjegoi gjithashtu shqetësimet e tij për të ardhmen e Amerikës.
Unë shqetësohem përgjithësisht për forcën e Amerikës. Amerika është kolona qendrore që mban të gjithë qytetërimin perëndimor… Nëse ajo kolonë dështon, gjithçka ka mbaruar.
Nuk mund të ikësh në Zelandën e Re apo në ndonjë vend tjetër. Ka mbaruar.
Pra, ose ta forcojmë atë kolonë dhe të sigurohemi që Amerika të jetë e fortë, dhe ne do të jemi të fortë për një kohë të gjatë, ose ajo çati do të bjerë,” tha ai.
Musk tha se ai mbetet optimist për “potencialin për një të ardhme të madhe për sa kohë që Amerika mbetet toka e lirisë dhe e mundësive”.
Ai vazhdoi të vlerësojë përpjekjet e Presidentit Donald Trump dhe ekipit të DOGE në luftën për të siguruar “parimet themelore” të lirisë.
Që nga 28 marsi, DOGE pretendon në faqen e saj se u ka kursyer amerikanëve 130 miliardë dollarë, ose 807 dollarë për tatimpagues.
