Mediat e huaja kanë publikuar pamje nga momenti kur nëndetësja turistike është fundosur pranë Egjiptit.
Si pasojë gjashtë persona humbën jetën dhe disa të tjerë u plagosën. Pamjet bëhet e ditur se janë regjistruar nga një pasagjer i cili ka qenë duke filmuar në momentin kur ka ndodhur ngjarja.
Videoja tregon nëndetësen turistike “Sindbad” duke u mbuluar gradualisht me ujë, ndërsa fundosej, dëgjohen edhe me britmat e qytetarëve të frikësuar.
Një pasagjer në nëndetëse, i cili arriti të shpëtohej, përshkroi se si nëndetësja filloi të fundosej ndërsa dyert e hyrjes ishin të hapura.
“Unë isha me familjen time në skelë dhe ishim gati të hynim në nëndetëse kur ajo filloi të fundosej ndërsa dyert ishin ende të hapura.”
