Nëse je fans i “Big Brother VIP Albania”, e di shumë mirë që netët e spektaklit kanë rëndësinë e vetë. Duhet të gjesh kohë të gatuash para orës 9 të darkës, të përgatitesh mendërisht dhe mbi të gjitha, të përballosh pasojat që lë një Prime në jetën tënde. Por kur ky spektakël vendos të futet në mesin e javës, konkretisht të martave, fillojnë telashet.
Ja pse të martave është një ide e keqe:
1. Të lë pa gjumë në ditët më të rëndësishme të javës
Të martat janë praktikisht të hënat e dyta. Je ende duke u rimëkëmbur nga fundjava dhe duhet të përqendrohesh në punë, shkollë apo çfarëdo që bën gjatë javës. Po si mund ta bësh këtë kur “Big Brother” zgjat deri vonë dhe ndonjë nominim dramatik ose ndonjë sherr epik të mban zgjuar edhe pas përfundimit të spektaklit?
2. Zgjat deri në mesnatë (ose më shumë) dhe nuk mund ta ndalosh në mes
Po ta mendosh, një Prime është një udhëtim emocional që nuk mund ta braktisësh në mes. Nuk ka sens ta mbyllësh televizorin pa parë eliminimin, sherrin e madh apo surprizën e bujshme. Por kur ora kalon mesnatën dhe nesër duhet të zgjohesh herët, bëhet një luftë e vërtetë mes dëshirës për të parë gjithçka dhe nevojës për të fjetur si njeri normal.
3. Të ngec në mes të javës me dramë që s’ke ku e çon
Spektakli të fut në një vorbull emocionesh – tradhëti, lot, debate, rrëfime të fuqishme – dhe pastaj, paf! je sërish në të mërkurën e zakonshme, duke u munduar të përqendrohesh në detyrimet e tua, por koka të rri te ajo që ndodhi mbrëmë. Në fundjavë të paktën ke kohë për t’u marrë me të, por në mes të javës thjesht e ke një stres më shumë.
4. Të shkatërron orarin e gjumit përgjatë gjithë ditëve të mbetura
Një Prime në fundjavë është një sakrificë që ia vlen, sepse ke të paktën një ditë për t’u rikuperuar. Kur ndodh të martave, është thjesht një shkatërrim i vazhdueshëm i ritmit të jetës tënde. Një herë ok, dy herë ndoshta, por 3-4 muaj me këtë rutinë dhe ciao orar normal gjumi.
https://googleads.g.doubleclick.net/pagead/ads?gdpr=1&gdpr_consent=CQFTH0AQFTH0AEsACCENBIFoAP_gAEPgAABYINJB7C7FbSFCwH5zaLsAMAhHRsAAQoQAAASBAmABQAKQIAQCgkAQFASgBAACAAAAICZBIQIECAAACUAAQAAAAAAEAAAAAAAIIAAAgAEAAAAIAAACAIAAEAAIAAAAEAAAmAgAAIIACAAAhAAAAAAAAAAAAAAAAgCAAAAAAAAAAAAAAAAAAQOhSD2F2K2kKFkPCmwXYAYBCujYAAhQgAAAkCBMACgAUgQAgFJIAgCIFAAAAAAAAAQEiCQAAQABAAEIACgAAAAAAIAAAAAAAQQAABAAIAAAAAAAAEAQAAIAAQAAAAIAABEhCAAQQAEAAAAAAAQAAAAAAAAAAABAAA&addtl_consent=2~70.89.93.108.122.149.196.236.259.311.313.323.358.415.449.486.494.495.540.574.609.827.864.981.1029.1048.1051.1095.1097.1126.1205.1276.1301.1365.1415.1449.1514.1570.1577.1598.1651.1716.1735.1753.1765.1870.1878.1889.1958.2072.2253.2299.2373.2415.2506.2526.2568.2571.2575.2624.2677~dv.&client=ca-pub-5044837671341219&output=html&h=358&adk=4259099757&adf=3483052396&pi=t.aa~a.3626898484~i.29~rp.4&w=430&abgtt=6&lmt=1740934314&num_ads=1&rafmt=1&armr=3&sem=mc&pwprc=9066919497&ad_type=text_image&format=430×358&url=https%3A%2F%2Fwww.anabelmagazine.com%2Fnews%2F80985%2Fna-duhet-ta-themi-big-brother-te-martave-eshte-nje-ide-e-keqe&fwr=1&pra=3&rh=356&rw=430&rpe=1&resp_fmts=3&sfro=1&wgl=1&fa=27&dt=1740934314598&bpp=3&bdt=1452&idt=3&shv=r20250226&mjsv=m202502260101&ptt=9&saldr=aa&abxe=1&cookie=ID%3D04685f9e092296f4%3AT%3D1725907022%3ART%3D1740934235%3AS%3DALNI_MbpJjBTrEpVIEDRzrhj1ZoECvMdOg&gpic=UID%3D00000ee3d355beb0%3AT%3D1725907022%3ART%3D1740934235%3AS%3DALNI_Mb1BhuGhcFzIM2GUSi0Xr59cz–IQ&eo_id_str=ID%3Da871c82b7d9e8223%3AT%3D1725907022%3ART%3D1740934235%3AS%3DAA-AfjYVn0ipbilR-gCm7SxCH6PX&prev_fmts=0x0%2C300x250&nras=2&correlator=5382566206826&frm=20&pv=1&u_tz=60&u_his=100&u_h=932&u_w=430&u_ah=932&u_aw=430&u_cd=24&u_sd=3&adx=0&ady=3776&biw=430&bih=733&scr_x=0&scr_y=0&eid=31090663%2C95344790%2C95354315%2C95354339%2C31090655%2C95352637%2C95350016%2C95353783&oid=2&pvsid=2926787838426683&tmod=1559559831&uas=1&nvt=1&ref=https%3A%2F%2Fwww.anabelmagazine.com%2F&fc=1408&brdim=0%2C0%2C0%2C0%2C430%2C0%2C430%2C932%2C430%2C733&vis=1&rsz=%7C%7Cs%7C&abl=NS&fu=128&bc=31&bz=1&psd=W251bGwsbnVsbCxudWxsLDNd&ifi=8&uci=a!8&btvi=2&fsb=1&dtd=7
5. Ndodh në një ditë ku askush nuk është në më të mirën e tij/saj
Prime-et e të shtunës kanë një atmosferë më festive – të gjithë janë pak a shumë në humor për diçka argëtuese. Të martave? Jo dhe aq. Energjia është më e ulët, njerëzit janë të lodhur, ndonjëherë edhe vetë banorët duken më të lodhur.
A ka ndonjë zgjidhje?
Po, është shumë e thjeshtë: spektaklet e mëdha të mbeten në fundjavë! Të martave mund të bëjnë një përmbledhje, një episod më të shkurtër ose diçka që s’të shkatërron ritmin e jetës.
Deri atëherë, kushdo që ka në plan të ndjekë “BBVA” të martave, më mirë të përgatitet për një sezon të gjatë netësh pa gjumë dhe mëngjesesh me sy të fryrë./ANABEL
