Gjesti ‘hap zemrën me Rozanën’, rrëfen për lidhjen e dashurisë: Askush nuk do më durojë si ajo

Teksa bisedonte me Rozanën në shtëpinë e Big Brother, Gjesti ‘hapi zemrën’ dhe foli për lidhjen e tij të dashurisë, e cila kishte zgjatur rreth 5 vjet, por kishte 6 apo 7 muaj që kishte përfunduar.

Gjatë rrëfimit, Gjesti theksoi se gjatë gjithë kohës ka qenë i njëjti në sjellje dhe karakter, duke nënkuptuar se nuk ka ndryshuar në mënyrën se si sillet në marrëdhënie. Ai tregoi se rrinte edhe një javë pa vajtur në shtëpi, por këtë ish-partnerja e kishte përballuar, pasi sipas Gjestit ajo ka qenë një femër shumë e fortë. Aq e fortë, sa Gjesti mendon se nuk do mund të gjejë një tjetër vajzë që ta durojë me mënyrën e tij të jetesës.

“Unë gjithnjë kam qenë kështu. Kam bashkëjetuar deri vonë, që gjashtë shtatë muaj jam ndarë. Kam qenë në lidhje pesë vite. Femër më të fortë s’e di që kam takuar ndonjëherë, që ka mundur të më duroj. Jam prishur që gjashtë muaj, shtatë muaj aty diku. Nuk besoj se do të dalë njeri që të më durojë ashtu”.

Këtë bisedë e dëgjoi edhe Egli, e cila është shprehur se nga Olsi u nda pikërisht sepse aktori nuk gjente kohë për të. Ndaj gjithçka që banori tha, është mirë të analizohet nga Egli, nëse ia vlen të lidhet edhe jashtë shtëpisë apo jo. Deri tani, këngëtarja ka qenë shumë e lidhur me Gjestin, aq sa shpesh herë reperi ka kërkuar që ajo ta lërë të qetë.