Prag tragjedie në aksin Lushnje-Fier! Automjeti i ndërpret rrugën, kamioni devijon dhe del nga rruga
Trafik i rënduar në autostradë në kryqëzimin e Savrës. Një kamion që transportonte tulla ka manovruar duke dalë jashtë rruge pasi një mjet i kishte hyrë në parakalim.
Për të shmangur përplasjen drejtuesi i kamionit ka devijuar kamionin jashtë karrexhatës dhe një pjesë e ngarkesës ka rënë në rrugë.
Policia Rrugore ka shkuar në vendngjarje dhe po disiplinon trafikun ndërsa punonjësit e zjarrfikëses po heqin nga rruga mbetjet e tullave që janë rrezik për qarkullimin. Për pasojë qarkullimi është i ngadaltë nën mbikqyrjen policisë rrugore.
Për rreth 30 minuta qarkullimi rrugor në autostradë është i rënduar. Sipas të dhënave paraprake ka qenë shpejtësia dhe manovra e gabuar e autoveturës që shkaktoi ngjarjen, megjithatë ekipi hetimor është në terren për sqarimin e rrethanave.
