Pajisja synon të ndihmojë njerëzit të reduktojnë marrjen e natriumit…
Kompania japoneze, Kirin ka prezantuar një lugë elektrike në CES 2025. Bëhet fjalë për një lugë që thuhet se e bën ushqimin “më të kripur pa shtuar kripë”. Kjo do të shënonte një përparim të mundshëm në reduktimin e konsumit të natriumit. Luga elektrike e kripës, e cila krijon një ndjesi shije më të kripur përmes stimulimit të butë elektrik, aktualisht është në dispozicion në Japoni për rreth 127 dollarë.
Pajisja synon të ndihmojë njerëzit të reduktojnë “marrjen e natriumit” duke ruajtur shijen e njohur të kripur në ushqimin e tyre. Kirin e zhvilloi lugën kryesisht për tregun japonez, ku të rriturit konsumojnë më shumë se dyfishin e sasisë së rekomanduar ditore të natriumit nga Organizata Botërore e Shëndetësisë. Hulumtimi origjinal, i botuar në vitin 2011, tregoi se si rrymat e dobëta elektrike mund të rrisin perceptimin e kripës në ushqim.
