Aksident TRONDITËS! I riu përplas 30-vjeçaren dhe fëmijën e saj 2 vjeç, VDES nëna

Si pasojë e aksidentit, 30-vjeçarja ka ndërruar jetën

Një aksident i rëndë është regjistruar mbrëmjen e së premtes në aksin rrugor Berat-Dimal. 

Sipas policisë, makina e drejtuar nga 25 vjeçari A.T. ka përplasur një grua që po kalonte rrugën së bashku me fëmijën e saj të mitur.

Si pasojë e aksidentit, 30-vjeçarja ka ndërruar jetën, teksa fëmija i saj 2-vjeçar nuk ka probleme për jetën.

“Rreth orës 18:35, në aksin rrugor “Berat-Dimal”, në Moravë, shtetasi A. T., 25 vjeç, duke drejtuar automjetin e tij ka aksidentuar shtetasen L. Gj., 30 vjeçe dhe fëmijën e saj 2 vjeç, (këmbësorë). Shtetasja L. Gj., si pasojë e plagëve të marra ka ndërruar jetë, ndërsa fëmija i saj nuk ka probleme për jetën.

Drejtuesi i automjetit ndodhet i shoqëruar në ambientet e Policisë për veprime të mëtejshme procedurale.

Grupi hetimor ndodhet në vendin e ngjarjes dhe vazhdon veprimet hetimore për zbardhjen e shkaqeve të aksidentit”, njoftoi policia.