Ministria e Arsimit dhe Sportit publikoi sot datat e provimeve të Maturës Shtetërore 2025 për nxënësit që ndjekin arsimin e përgjithshëm dhe atë profesional.
Në një postim në rrjetet sociale, Ministrja e Arsimit dhe Sportit, Ogerta Manastirliu tha se “për orientimin dhe përgatitjen e maturantëve, testet model për provimet e Maturës 2025 tashmë janë publikuar dhe shpërndarë në çdo shkollë”.
Manastirliu i uron suksese të gjithë nxënësve që ndjekin arsimin e përgjithshëm dhe atë profesional në shkollat e vendit.
Sipas MAS, provimi i Gjuhës së Huaj do të zhvillohet më 3 qershor, Gjuha Shqipe dhe Letërsia më 10 qershor, Matematika më 17 qershor dhe provimi me zgjedhje më 24 qershor.
