Aksident i rëndë në aksin Korçë-Pogradec, mjeti përplas një motor, plagosen nënë e bir 

Një aksident ka ndodhur në aksin nacional Korçë-Pogradec, në afërsi të fshatit Pirg.

Bëhet me dije se një mjet ka përplasur një motor.

Nga aksidenti mësohet se ka dy të plagosur, nënë e bir që ndodheshin në motor të cilët janë transportuar drejt spitalit të Korçës pasi kanë marrë dëmtime në trup.

Drejtuesi i motorit është në gjendje të rëndë, me dëmtime të mëdha në këmbë çka ka sjellë humbje të madhe gjaku e po futet në sallën e reanimacionit.

Nëna e tij raportohet jashtë rrezikut për jetën.

Policia është në vendit e ngjarjes.