Aksident i rëndë në Durrës, kamioni përplas për vdekje një person që po lëvizte me biçikletë

Një aksident me vdekje ka ndodhur në Durrës, ku një automjet ka përplasur një person që po lëvizte me biçikletë.

I aksidentuari është konstatuar se ka humbur jetën në vendin e ngjarjes, ndërsa automjeti që e ka përplasur nuk ka ndaluar për t’i dhënë ndihmën e parë, por është larguar.

Ngjarja ka ndodhur në Rrugën e Kampusit universitar në Spitallë të Durrësit.

Viktima është një person rreth 40 vjeç, që dyshohet paraprakisht se është goditur nga një kamion.

Në atë aks rrugor mungon ndriçimi dhe nuk ka as trotuar, as vendkalim për biçikleta.

Policia po punon për identifikimin e viktimës dhe njëkohësisht gjetjen e drejtuesit të mjetit.