Tokio prezanton javën 4-ditore të punës që punëtorët të kenë më shumë kohë për marrëdhënie s*ksuale

Qeveria Metropolitane e Tokios ka njoftuar një iniciativë të re për të adresuar rënien alarmante të normës së lindshmërisë në Japoni dhe për të përmirësuar ekuilibrin punë-jetë. Duke nisur nga prilli i vitit 2025, të premten, punonjësit e sektorit publik në Tokio do të përfitojnë një javë pune katër-ditore. Synimi kryesor? Të krijohet më shumë kohë për çiftet që të kalojnë momente intime dhe të mendojnë për krijimin e familjes.

Iniciativa nuk është e kufizuar vetëm në jetën private të qytetarëve. Masat e tjera përfshijnë politika që i japin prindërve me fëmijë të vegjël mundësinë të largohen më herët nga puna, duke kompensuar orët e humbura me një ulje të pagës. Ndërkohë, për të nxitur burrat të marrin leje prindërore, qeveria ka lehtësuar rregullat që prej vitit 2023, megjithëse shumë prej tyre hezitojnë për shkak të presioneve kulturore në vendin e punës.

Guvernatorja Yuriko Koike ka theksuar se këto reforma janë thelbësore për t’i dhënë qytetarëve më shumë fleksibilitet në jetën e tyre, duke shmangur zgjedhjen mes përkushtimit të tepërt ndaj punës dhe pjesëmarrjes në ngjarje jetësore si lindja apo rritja e fëmijëve.

Rënia e lindshmërisë ka prekur veçanërisht komunitetet rurale, si fshati Ichinono, ku jetojnë më pak se 60 banorë, shumica të moshuar. Për të rikrijuar ndjesinë e një fshati plot me fëmijë, banorët kanë vendosur manekinë që imitojnë skena të fëmijëve duke luajtur në parqe – një simbol prekës i nevojës për të mbushur boshllëkun demografik.

Me masa të tilla pro-lindshmërisë, Japonia synon të përmirësojë jo vetëm normat e lindjeve, por edhe cilësinë e jetës për qytetarët e saj./OraNews