“Ëmbëlsoi” autostradën por vështirësoi qarkullimin, merr flakë kamioni që transportonte 20 mijë kilogram çokollatë

Një autostradë ne Kaliforni është “ëmbëlsuar” pasi kamioni që transportonte 20 mijë kilogramë çokollatë mori flakë.

Policia e Kalifornisë njoftoi se zjarrfikësit ishin të parët në vendin e ngjarjes të cilët mësuan se kamioni transportonte çokollatë.

Nga zjarri i madh e gjithë çokollata është shkrirë dhe ka mbuluar rrugën duke e bërë atë ngjitëse dhe duke vështirësuar qarkullimin e automjeteve. Ekipeve të pastrimit ju nevojitën disa orë për të pastruar zonën.

Sakaq policia bën të ditur se sipas hetimeve fillestare, shkaku i zjarrit kishte qenë një defekt mekanik në frenat kamionit, ndërsa shoferi ka arritur t’i shpëtojë më të keqes./OraNews