“E fitova bastin”, Arbana Osmani thumbon BBV: Nuk fitohet vëmendja me skandale dhe vulgaritet!
Arbana Osmani ka thumbuar “Big Brother” me një postim ku ka treguar se pocdast-i i saj në You Tube “Mirëmbrëma yje,” është një sukses i vërtetë.
Me vetëm katër episode të publikuara, moderatorja ka arritur të rrëzojë paragjykimet dhe të fitojë një bast të rëndësishëm profesional.
Në një postim në “Instagram”, Arbana shprehu mirënjohje për të ftuarit dhe ndjekësit, duke theksuar se fitoi bastin me këdo që mendonte se në Shqipëri merret vëmendja dhe klikimet me skandale dhe vulgaritet.
Ajo që më gëzon më tepër është basti i fituar me këdo që mendonte se në Shqipëri vëmendja dhe klikimet merren vetëm me debate të dhunshme, skandale dhe vulgaritet. Mesa duket jo!”,përshkrim ky që në rrjet është komentuar si një ‘thumb’ kundrejt BBV.
Kujtojmë se është përfolur shpesh herë për përplasje dhe prishje miqësish të moderatores se njohur dhe producentëve dhe autorëve të “Big Brother”, njëkohësisht drejtuesit të TCH, motrat Hoxha./Pamfleti
