Fituesi i përcaktuar? Arilena Ara dhe Pirro Çako tërhiqen nga “Kënga Magjike” në natën finale

Është zbuluar se dy nga artistët më të komentuar, Arilena Ara dhe Pirro Çako, do të tërhiqen nga gara gjatë natës së sotme, pikërisht kur është edhe finalja e madhe.

Dy artistët, të njohur për kengën që ka fituar zemrat e publikut “Zero gradë”, ishin konkurrentë të fortë për çmimet kryesore të këtij edicioni.

Ende nuk dihen arsyet për këtë vendim, por aludimet janë se fituesi është i përcaktuar, ashtu siç është përfolur edhe vitet e tjera. Nga ana tjetër, as Arilena dhe as Pirro nuk kanë bërë asnjë koment publik deri në këto momente.

Finalja e “Kënga Magjike” mbahet mbrëmjen e sotme në “Pallatin e Kongreseve”. Mbetet për t’u parë nëse artistët do të japin një shpjegim zyrtar për vendimin e tyre