Kafeja është një nga pijet më të dashura në botë. Ka shumë lloje kafesh dhe varietetesh, që mbulojnë të gjitha shijet, ndërkohë që është “pija” magjike e mëngjesit për shumicën.
Disi, është e rëndësishme të dimë se çfarë ndodh me stomakun tonë nëse pimë kafe në mëngjes plotësisht të agjëruar.
Së pari, HealthLine argumenton se fillimi i ditës duke pirë kafe nuk është aspak një gjë e keqe! Me sa duket, kafeja mund t’ju përmirësojë humorin dhe t’ju zgjojë mendjen, dhe nëse nuk shtoni qumësht dhe sheqer, mund t’ju ndihmojë gjithashtu të humbni peshë. Gjithashtu, mund t’ju mbrojë nga diabeti, por edhe nga Alzheimer!
Mirëpo, shumë dëgjohet edhe për pirjen e kafesë me stomakun bosh dhe se sa e dëmshme mund të jetë ajo, dhe ndoshta në fund të fundit nuk duket të jetë e vërtetë. Ka pak lidhje shkencore midis kafesë dhe problemeve të sistemit të tretjes, pavarësisht nëse e pini atë me stomakun bosh apo jo.
Në thelb, pretendohet se pirja e kafesë me stomak bosh ose plot shkakton të njëjtat simptoma. Nuk ka prova të mjaftueshme se pirja e kafesë me stomakun bosh shkakton probleme të tjera.
Më në fund, duket se një përqindje e vogël e njerëzve janë jashtëzakonisht të ndjeshëm ndaj kafesë dhe përjetojnë rregullisht urth, të vjella ose dispepsi, shpeshtësia dhe ashpërsia e këtyre simptomave mbeten konstante pavarësisht nëse e pinë atë me stomakun bosh apo me ushqim.
Sigurisht, për shkak se çdo person është unik, duhet të shohë atë që i shkon më shumë dhe të “dëgjojë” trupin e tij dhe nëse e sheh të nevojshme të kontaktojë një nutricionist.
