Në vitin 2006, Unioni Ndërkombëtar Astronomik (IAU) e bëri Plutonin nga planet në planet xhuxh, duke habitur shumë njerëz, përfshirë edhe shkencëtarët. Disa astronomë duan ende të rishikojnë përkufizimin e një planeti për të sqaruar kriteret që dallojnë planetet nga trupat e tjerë qiellorë.
Por, pse nuk konsiderohet më Plutoni planet? Para vitit 2006, nuk kishte kritere të qarta për një planet. Në përgjithësi, planetet konsideroheshin objekte më të mëdha se asteroidet që orbitonin diellin.
Kur u zbulua në vitin 1930 nga Clyde Tombaugh, Plutoni u shpall planet, megjithëse ishte më i vogël se disa hëna të njohura. Më pas, në vitet 1990, u zbulua se Plutoni ndodhej në një zonë të sistemit diellor, të quajtur Brezi Kuiper, ku gjenden shumë objekte të ngjashme.
Në vitin 2006, IAU përcaktoi tre kritere për një planet:
1. Duhet të orbitojë diellin.
2. Duhet të ketë masë të mjaftueshme për të qenë i rrumbullakët.
3. Duhet të ketë pastruar orbitën e tij nga trupat e tjerë.
Plutoni nuk e plotësonte kriterin e tretë, pasi ndodhet në Brezin Kuiper me objekte të shumta rreth tij, ndaj u klasifikua si planet xhuxh. Ky vendim ka mbetur i diskutueshëm, pasi disa shkencëtarë mendojnë se përkufizimi i IAU-së është i papërshtatshëm.
Megjithatë, Plutoni mbetet një pjesë interesante e sistemit diellor, pavarësisht klasifikimit të tij. / Space – Syri.net
