Pedagogia studion detajet e filmit “Gladiator II” dhe del në përfundim: Budallallëk
Më 22 nëntor, publiku do të ketë mundësinë të shohë “Gladiator II”, një film që shumë fansa e kanë pritur me padurim. Kritika e parë për këtë film, të drejtuar nga Ridley Scott, ka qenë përgjithësisht pozitive. Gazetari Scott Menzel e përshkruan si “filmin më të mirë të Ridley Scott që nga ‘The Martian’,” duke theksuar se ai është një spektakël i madh që përfshin aksionin me një vizualitet mbresëlënës dhe një kast të shkëlqyer, përfshirë Paul Mescal dhe Denzel Washington.
Sidoqoftë, jo të gjithë janë të kënaqur me interpretimin e Scott mbi historinë romake. Dr. Shadi Bartsch, një profesoreshë e klasikëve në Universitetin e Çikagos, ka shprehur kritika të ashpra për pasaktësitë historike në film. Ajo e ka quajtur “Gladiator II” “total Hollywood bull***t” e thënë në shqip ‘budallallëk’, duke veçuar një skenë ku një romak shfaqet duke pirë çaj dhe duke lexuar një gazetë. Bartsch shpjegon se gazeta, në formën që ne e njohim sot, nuk ka ekzistuar gjatë periudhës romake.
Ajo thekson se dokumentet e para të lajmeve, siç është “Acta Diuma”, ishin të gdhendura dhe të vendosura në vende të caktuara, dhe nuk ishin të disponueshme në kafene. Për më tepër, Bartsch kritikon një skenë që tregon një peshkaqen, duke thënë se romakët në atë kohë nuk mund të kishin pasur njohuri për të.
Megjithatë, ajo pranon se romakët ishin të njohur me rinocerontët dhe se ndoshta kishin sjellë një të tillë në Koloseum, duke u referuar një poeme të shkrimtarit romak Martial.
Reagimet në rrjetet sociale kanë qenë të ndara. Disa përdorues kanë theksuar se filmat të tillë shpesh nuk janë historikisht të saktë, duke e pranuar se krijimi artistik shpesh merr lirinë për të interpretuar ngjarjet e së kaluarës.
Sa i përket Ridley Scott, ai ka shprehur pak interes për detajet historike, duke thënë se, “deri në vitin 2024, gjithçka është spekulim.” Kjo qëndrim e tij reflekton një qasje të zakonshme në Hollywood, ku argëtimi shpesh e tejkalon saktësinë historike. Ndërsa “Gladiator II” pritet të jetë një sukses në box office, debatet rreth saktësisë së tij historike do të vazhdojnë.
/Pamfleti
