Olta Gixhari e ftuara e parë në podcastin e Arbana Osmanit? Fotoja që ngriti dyshime

Arbana Osmani ka nisur përgatitjet për të sjellë për publikun projektin e saj më të ri surprizë. Moderatorja nuk ka ndarë ende detaje nga projekti që pritet të sjellë rikthimin e saj, ndërsa nga postimet e saj mund të kuptojmë se do të jetë në natyrë dhe jo në një studio televizive (të paktën një pjesë e tij), pasi aktualisht Arbana ndodhet në veri të vendit, madje në shtëpinë e saj në Bogë, teksa po merret me xhirimet.

Nga ana tjetër, Arbana dhe Olta kanë postuar foto së bashku gjatë kësaj kohe, ku aktorja ka shkuar në xhirimet e Arbanës, ndërsa në një postim në Instastory shkruan: “S’po them gjë“, duke e ruajtur deri në fund elementin surprizë të projektit të ri.

Menjëherë pas këtij postimi, ndjekësit nisën të aludojnë se Olta do të jetë pjesë e projektit të ri të Arbanës, ndërsa asnjëra nuk ka konfirmuar ende asgjë, duke e shtuar edhe më shumë suspancën. Kujtojmë se në një intervistë të fundit në ‘Oxygen’ me Besim Dinën, Arbana foli lidhur me rikthimin e saj, e duket se koha e pritjes nuk do të jetë më shumë e gjatë.

Mos vallë Olta do jetë e ftuara e parë në podcastin e Arbanës dhe kanë vendosur ta zhvillojnë në natyrë intervistën? Mbetet për t’u parë!/Pamfleti