Dhunuan efektivët brenda komisariatit, kush janë dy vëllezërit e ndaluar! Policia jep detaje

Policia e Shkodrës ka dhënë detaje nga arrestimi i Marjan dhe Mateo Doçi, dy vëllezërve që dhunuan efektivët e forcave “Shqiponja”

Policia e Shkodrës ka dhënë detaje nga arrestimi i Marjan dhe Mateo Doçi, dy vëllezërve që dhunuan efektivët e forcave “Shqiponja”.

Sipas uniformave blu, dy vëllezërit, të moshës 29 dhe 38 vjeç, kanë kundërshtuar me forcë dhe ushtruan dhunë ndaj punonjësve të Policisë të Forcës së Posaçme “Shqiponja”.

Mësohet se forcat “Shqiponja” gjatë patrullimit në sheshin “Prek Cali”, kanë konstatuar një automjet që drejtohej nga 19-vjeçari me iniciale E. L., dhe i kanë bërë me shenjë që të ndalonte, për të ushtruar kontroll për sende të kundërligjshme.

Por, gjatë kontrollit fizik, 19-vjeçari ka tentuar të largohet me vrap, por është kapur dhe ndaluar nga shërbimet e Forcës së Posaçme “Shqiponja”.

Ndërkohë, dy vëllezërit, që sipas burimeve për Panorama.al, ishin pronarët e mjetit ku udhëtonte 19-vjeçari, kanë kryer veprime të dhunshme gjatë shoqërimit të automjetit dhe në ambientet e brendshme të Drejtorisë Vendore.

Njoftimi i policisë:

Shkodër

Vihen në pranga 2 vëllezër pasi kundërshtuan me forcë dhe ushtruan dhunë ndaj punonjësve të Policisë të Forcës së Posaçme “Shqiponja”.

Procedohet penalisht dhe një 19-vjeçar, për mosbindje ndaj urdhrit të punonjësit të Policisë.

Gjatë patrullimit të zakonshëm në sheshin “Prek Cali”, punonjësit e Policisë të Forcës së Posaçme “Shqiponja” kanë konstatuar një automjet dhe i kanë bërë me shenjë që të ndalonte, për të ushtruar kontroll për sende të kundërligjshme. Automjeti drejtohej nga shtetasi E. L., 19 vjeç.

Gjatë kontrollit fizik ndaj 19-vjeçarit, ky shtetas ka tentuar të largohet me vrap, por është kapur dhe ndaluar nga shërbimet e Forcës së Posaçme “Shqiponja”.

Në momentin e shoqërimit të automjetit, shërbimet e Policisë janë kundërshtuar me forcë nga shtetasit M. D., 29 vjeç dhe M. M. alias M. D., 38 vjeç (vëllezër), të cilët kanë kryer veprime të dhunshme gjatë shoqërimit të automjetit dhe në ambientet e brendshme të Drejtorisë Vendore.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./gsh