Si të vishemi për një dasmë këtë vjeshtë? Këshillat për veshje me stil (dhe fustanet më të përshtatshëm)
Sezoni i vjeshtës është sezoni më romantik. Ndoshta për këtë arsye, gjithnjë e më shumë çifte të reja vendosin të lidhin kurorë gjatë ketyre tre muajve. Ky sezon i freskët, me ngjyrat dhe aromat e tij karakteristike, është i përsosur si sfond për një event të bukur. Kjo konfirmohet edhe nga Raporti i fundit mbi Sektorin e Dasmave 2024 të publikuar nga Matrimonio.com, sipas të cilit më shumë se 4 çifte nga 10 (41%) zgjedhin këtë periudhë të vitit për të thënë “po”.
Përveç nuses, edhe të ftuarit mund të ndihen më të lehtësuar, për sa i përket klimës dhe outfit-it. Po, sepse zgjedhja e fustanit për një martesë në vjeshtë bëhet më e sofistikuar, falë prerjeve dhe siluetave, ngjyrave dhe printeve të reja dhe elegante. Si të vishemi për një martesë në vjeshte 2024? Ja një udhëzues i vogël me të gjitha këshillat e dobishme për stilin, që shtrihet nga modelet më të përshtatshme për mysafiret deri te idetë për t’i kombinuar ato, në përputhje me tendencat e Vjeshtë-Dimër 2024/2025.
Prerjet dhe materialet, ngjyrat dhe printet
Fustani ideal për një martesë në vjeshtë shtrihet nga ngjyrat e plota deri te pattern-et më të fundit. Në vëmendje dalin nuancat e vjeshtës 2024: bordoja dhe patllixhani, gama e gjelbërimeve nga pylli deri te ulliri, si dhe blu navy klasik.
Përsa i përket print-eve, tendencat janë të qarta: fustanet me lule në nuanca të ndritshme dhe të errëta, mikro piketat të bardha dhe të zeza, motivet liberty dhe efekti tapestry. Eleganca qëndron në mes: për të mos gabuar, një fustan midi është ideal. Satin dhe cady, të thjeshtë ose me detaje dantelle, këto fustane përshtaten shumë mirë me sezonin.
Modeli kryesor? Fustani me qafë të mbyllur dhe i hapur mbrapa
Mes të gjitha fustaneve ideale për një martesë në vjeshtë, është ai me qafë të mbyllur, dhe është në krye të tendencave të vjeshtës 2024. I guximshëm dhe i delikat, ky fustan është esenca e feminitetit. Ka meritën të tërheqë me delikatesë, duke mbuluar pjesët e duhura. Qafa e mbuluar është shumë e përshtatshme për sezonin e dasmave të vjeshtës. Dhe lidhja përshtatet me të gjitha format e trupit dhe çdo moshë: një model i thjeshtë, por me një personalitet të fortë.
Martesa në vjeshtë lejon edhe skeptikët të guxojnë me një klasik të pamohueshëm: fustanin e zi.
Fustani i zi është shpëtimi i mysafireve në kërkim të fustanit të përsosur (dhe në prag të një krize nervore): duhet vetëm të dini cilin model të zgjidhni dhe të njihni truket e stilimit për ta nxjerrë më të mirën nga ai. Për ta bërë fustanin klasik të zi të përshtatshëm për një ceremoni martesore vjeshtore, mjafton të shtoni aksesorë të sofistikuar dhe bizhuteri ari që theksojnë lëkurën, pa e tepruar. Jakat dhe prerjet asimetrike e bëjnë outfit-in më formal.
Fustanet e dasmës në vjeshtë : çfarë të vishni sipër
Frika e çdo mysafiri në një ceremoni vjeshtore: të paturit ftohtë. Megjithëse temperaturat janë kryesisht të buta gjatë këtyre muajve, të kesh një mbulesë për supet gjithmonë është një zgjedhje e mençur. Çfarë të zgjidhni në vitin 2024?
Zgjedhjet më elegante janë: një kardigan i shkurtër në najlon të hollë në të njëjtën ngjyrë ose tonalitet të fustanit për më romantiket; më të guximshmet mund të provojnë me një blazer ose një xhaketë të shkurtër në kontrast, për ta mbajtur mbi supe.
Nëse temperaturat ulen ose martesa është në mbrëmje, është më mirë të përdorni një bluzë me kopsa: askush nuk do të vërejë kombinimin anti-ftohjd në momentin e fundit. Për të balancuar pamjen, në këmbë, udhëzuesi është të qëndroni tek këpucët e hapura, duke u kujdesur gjithmonë të keni ose sandale me rripa, ose te hapura mbrapa.
