Blero nuk po ‘mbledh dot veten’, mesazh nga pishina: Zemra ime është e thyer
Blero Muharremi, duket se po kalon një periudhë të vështirë në jetën e tij personale. Ndarja me partneren e tij po i ndikon ndjeshëm në humor e shëndet dhe kjo është e dukshme në reagimet e tij të fundit publike.
Pak kohë më parë, Blero kishte shpërndarë një reagim emocional në lidhje me ndarjen, duke treguar se po kalonte një kohë të vështirë, deri në atë pikë sa nuk po mund të konsumonte as bukë.
Këto shqetësime duket se vazhdojnë, pasi mbrëmjen e kaluar, edhe pse ndodhej në një destinacion të bukur, ai ka ndarë një foto nga një pishinë e jashtme me titullin e këngës së tij “N.U.N” (Ne u ndamë).
Për më tepër, ai ka postuar një pjesë të këngës “Impossible”, ku përmenden vargje që pasqyrojnë ndjenjat e tij të thella: “Tregoju të gjithëve që isha i lumtur, por tani zemra ime është e thyer, plagët e mia janë të hapura”.
Urojmë që kjo gjendje të kalojë sa më shpejt, sepse ‘përkthehet’ në humbje përsa i përket anës profesionale të këngëtarit.
