La amanet t’i vrisnin qenin në momentin që do ndërronte jetë dhe t’i varrosnin së bashku, familja e aktorit refuzon
Familja e aktorit francez Alain Delon, i cili ndërroi jetë së fundmi, refuzoi të respektonte dëshirën e tij për të eutanizuar qenin e tij të preferuar dhe ta varroste me të.
Delon, i cili vdiq të dielën në moshën 88-vjeçare, kishte dashur që pastori i tij belg 10-vjeçar, Lubo, të eutanizohej dhe të varrosej me të, por pas protestave nga aktivistët e të drejtave të kafshëve, familja vendosi të mos e bënte këtë.
Sipas “ The Guardian”, aktivistët kundërshtuan mundësinë e vënies në gjumë të qenit të shëndetshëm dhe ofruan gjetjen e një shtëpie të re për qenin e Delon.
Fondacioni Brigitte Bardot tha se vajza e Delon, Anushka konfirmoi se familja do ta mbante qenin.
“Sapo fola me Anushka Delon dhe ajo më tha se Lubo është pjesë e familjes dhe do të mbahet. Qeni nuk do të eutanizohet,” tha zëdhënësja e fondacionit Brigitte Bardot.
