Njihuni me parashikimin e motit për këtë të hënë, temperaturat parashikohen të arrijnë në …
Shërbimi Meteorologjik Ushtarak bëri të ditur se ditën e hënë vendi ynë do të ndikohet nga kushte atmosferike të qëndrueshme si rezultat i aktivitetit të masave ajrore me origjinë jugore dhe kryesisht të thata.
Moti parashikohet i kthjellët në të gjithë territorin, ndërsa në orët e mesditës deri ato të pasdites alternime vranësirash mesatare dhe hera-herës deri të dendura kalimtare të cilat do të jenë më tepër të theksuara në relievet kodrinore – malore në lindje të terrtitorit.
Në relievet e larta malore në lindje e juglindje të territorit në orët e mesditës deri pasdite vonë reshje shiu të izoluara, afatshkurtra dhe intensitet të ulët.
Era do të fryjë me drejtim kryesor nga veriperëndimi me shpejtësi mesatare 1-6 m/sek, ndërsa përgjatë vijës bregdetare e lugina era fiton shpejtësi 10-12 m/sek, shoqëruar me valëzim në dete të forcës 1-2 ballë.
