Mostra kafshësh të ngrira në Hënë? Plani i NASA-s për ruajtjen e jetës në rast katastrofe globale!

Shkencëtarët kanë filluar të mendojnë për një ide të re dhe të guximshme për ruajtjen e biodiversitetit të Tokës në rast të një katastrofe globale.

Plani është të krijohet një biorepozitor në Hënë që do të mbajë qeliza të ngrira nga miliona lloje të kafshëve dhe bimëve. Ky biorepozitor do të vepronte si një arkiv për të mbrojtur jetën e egër të planetit tonë nëse ndodhin ngjarje katastrofike që kërcënojnë mbijetesën e llojeve të ndryshme në Tokë.

Një biorepozitor hënor mund të ofrojë një zgjidhje të mundshme për ruajtjen e qelizave të kriopservuara në kushte ideale. Hëna është shumë e ftohtë, veçanërisht në rajonet e saj me hije të përhershme, që mund të arrijnë temperatura deri në -410°F (-246°C). Këto kushte janë të përshtatshme për ruajtjen e qelizave të ngrira pa nevojën e energjisë elektrike që ne përdorim në Tokë për mbajtjen e temperaturave të ulëta.

Plani parashikon dërgimin e mostrave të qelizave të kafshëve në Hënë përmes misioneve të ardhshme në Hënë, si pjesë e programit Artemis të NASA-s. Ky program synon të krijojë një bazë të përhershme dhe një prani të qëndrueshme njerëzore në Hënë. Mostrat e qelizave do të jenë fillimisht nga speciet më të kërcënuara, por qëllimi afatgjatë është të përfshihen shumë më tepër specieve, përfshirë edhe farat e bimëve.

Për të testuar mbrojtjen e mostrave nga kushte të rrezatimit dhe mikrogravitetit gjatë udhëtimit në hapësirë, shkenctarët planifikojnë të dërgojnë mostra fillimisht në Stacionin Ndërkombëtar të Hapësirës (ISS). Ky hap do të ndihmojë në përshtatjen e paketimit nëse është e nevojshme para dërgimit përfundimtar në Hënë.

Kostoja e ngritjes së një biorepozitori në Hënë pritet të jetë shumë më e lartë se sa ndërtimi i një në Tokë, dhe projekti do të kërkojë një bashkëpunim të gjerë ndërkombëtar. Shkencëtarët theksojnë se ky është një program afatgjatë që do të kërkojë përpjekje të koordinuara nga shumë kombesh dhe organizata për të zhvilluar një sistem të qëndrueshëm për ruajtjen e qelizave dhe për të siguruar një mbrojtje të qëndrueshme për jetën në Tokë.

Kjo iniciativë është një hap i rëndësishëm në përpjekjet për të ruajtur biodiversitetin e planetit tonë dhe për të siguruar se jetesa në Tokë të jetë e mbrojtur dhe e ruajtur edhe në rast të fatkeqësive globale./Top Channel