Ushtari i forcës kundër terrorizmit në Francë goditet me thikë në stacionin e policisë, pak ditë para ceremonisë së hapjes së Lojërave Olimpike

Një ushtar francez i dislokuar në forcën kundër terrorizmit të vendit u godit me thikë në një stacion treni në qendër të Parisit të hënën në mbrëmje, thanë zyrtarët e qeverisë franceze, pak më shumë se një javë përpara se të zhvillohet ceremonia e hapjes së Lojërave Olimpike në Paris 2024.

“Një ushtar me Operacionin Sentinelle u godit me thikë ndërsa ishte në patrullë në Gare de l’Est në Paris. Ai nuk është në gjendje të rëndë. Autori u arrestua”, tha ministri i Brendshëm francez Gérald Darmanin në një postim në X.

Operacioni Sentinelle është një operacion ushtarak kundër terrorizmit që u krijua pas sulmit terrorist në Charlie Hebdo në janar 2015. Franca ka rritur masat e saj të sigurisë rreth Parisit përpara Olimpiadës, që përfshin forcimin e forcave të Operacionit Sentinelle.

Mendimet tona janë me ushtarin e plagosur këtë mbrëmje në Gare de l’Est, i cili u vendos si pjesë e Operacionit Sentinelle,” tha ministri francez i Mbrojtjes Sebastien Lecornu në X.

“Dëshiroj të shpreh mbështetjen dhe mirënjohjen time për forcat tona të armatosura, të cilat, më shumë se kurrë, po ndihmojnë për të garantuar sigurinë e popullit francez,” tha Lecornu./Top Channel