“Big Brother m’i ka nxehur motorët”, Arta Kabashi tregon çfarë i ka ndodhur pas spektaklit
Jo vetëm për natyrën e qetë dhe pozitive që tregoi në formatin ku është e vështirë të ruhet qetësia e maturia, por edhe për kreativitetin që i lindi prej andej, Arta Kabashi po e përdor mjaft mirë famën pas BBV.
E ftuar këtë të enjte në “Pushime on Top”, Arta tha se po jeton një periudhë shumë të mirë, me shumë krijime dhe këngë të reja që ka krijuar dhe i ka në studio, por po ashtu verën e ka të zënë me koncerte dhe e gjithë kjo, falë BBV:
Big Brother m’i ka nxehur motorët dhe tani nuk kam të ndalur, jam pa pushim, në lëvizje. Është një koncept që, nëse di ta shfrytëzosh, besoj që ia sheh hajrin” – tha ajo.
“Dmth nuk je penduar që ishe pjesë e Big Brother?”, – ishte pyetja tjetër e Leit, por këngëtarja menjëherë ia ktheu se, përkundrazi, e kujton si përvojë shumë të bukur.
Jo, është diçka shumë e thjeshtë. Mendo për diçka që e ke përjetuar. Nëse ke ndjenjë të mirë, pozitive për të, atëherë nuk ke pse pendohesh. Unë, kur mendoj për Bigun, e kam një ndjenjë të mirë, ishte një atmosferë e këndshme për mua, sepse e pata vendosur që në fillim të tregoja talentin dhe anën pozitive të Artës…”
Dhe kështu bëri. Artistja nga Kosova është në periudhën e saj më të mirë, në karrierë, në muzikë, por, pse jo, edhe në anën e saj personale./OraNews
