“Kemi përplasje rolesh”/ Aktori i “Portokallisë” zbulon ‘problemet’ me Visjanin: Mbani atë, unë do largohem
Aktori i “Portokallisë” Ledio Lako ka qenë i ftuar në “Top Arena”, ku është pyetur nëse ka probleme me Visian Ukcenaj, pas ardhjes së tij në “Portokalli”
I ftuari i radhës në “Top Arena”, në Top Channel, ishte Ledio Lako. Aktori i njohur i “Portokallisë” është pyetur nëse ka probleme me kolegun e tij, Visjan Ukcenaj, pas ardhjes së tij në emisionin e humorit.
Lako u shpreh se mirëpret çdo aktor, ndërsa me Visjanin ka pasur vetëm përplasje rolesh.
Pjesë nga intervista:
Alesia Bami: A është e vërtetë që Visjani pasi erdhi në “Top Arena”, je indinjuar shumë dhe ke dashur të largohesh edhe nga “Portokallia”?
Ledio Lako: Unë e kam mirëpritur jo vetëm Visjanin, por në “Portokalli” ia kam hapur dyert sa kam pasur mundësi shumë aktorëve, pavarësisht se Visjani nuk ka nevojë ta lançoj unë. Ka një të vërtetë që ka një përplasje rolesh të cilën unë e kam thënë në mbledhje, ka një përplasje të karaktereve, varëseve me varëset, të fortë për të fortë, por gjithsesi secili do luajë dhe kjo është vendosur nga stafi i Topit, kështu që unë do largohem, mbaheni Visjanin (qesh). / Gazeta shqiptare
