Tre njerëz raportoheshin sot të humbur pas përmbytjes së papritur nga stuhia në qytezën juglindore zvicerjane Misox të luginës alpine Graubünden.
Një stuhi e papritur solli daljen e lumenjve nga shtrati dhe përmbytjen e disa rrugëve rezidenciale, teksa autoritetet thanë se kishin kryer evakuime nga shtëpitë. Tre banore lokalë rezultonin te pagjetur deri mëngjesin e sotëm.
Në perëndim rezorti alpin Zermatt raportohet se është izoluar nga ujërat e ngritura. Pamjet e qytezës së vendosur në rrëzë të maleve të njohura Matterhorn tregonin ujrat që vërshonin nëpër rrugë prej të premtes.
Disa shërbime trenash ishin pezulluar mes Visp e Zermatt ndërsa rruga mes Täsch e Zermatt ishte mbyllur duke lënë rezortin perkohësisht të paarritshëm, shkruan rrjeti BBC.
Qeveria e kantonit Graubünden tha se po ndiqte situatën me shqetësim dhe falënderonte shërbimet e emergjencës për punën dhe gatishmërinë e tyre. /OraNews
