Egla komenton njerëzit që kritikuan lojën e saj: Një gazetar profesionit i ka vënë gishtin…

Çfarë do të bëjë me paratë e çmimit të madh? Egla Ceno e zbulon në “Wake Up”

Egla Ceno ishte mëngjesin e sotëm e ftuar në emisionin “Wake Up”, ku foli për rrugëtimin e saj të gjatë në “Big Brother VIP3” dhe jo vetëm.

E pyetur nëse ka ndonjë plan se çfarë do të bëjë me paratë e çmimit të madh, fituesja e këtij edicioni të tretë të reality show-t u përgjigj:

“Kam disa ide në kokë, por duke parë e duke bërë. Në kohët që jetojmë varet si i investon. Sepse ne shqiptarëve nuk na mbyllen kurrë vrimat”.

Teksa aktorja e njohur ka patur njerëz që e kanë mbështetur dhe votuar, ka patur edhe nga ata që e kanë kritikuar dhe kanë thënë se ajo nuk e meritonte fitoren.

Në lidhje me këtë, Egla tha se ‘kritikat të bëjnë të përmirësohesh’. Sipas saj, kur nuk bën asgjë nuk të kritikojnë.

“Jam mjaftueshëm e rritur sa të di që nuk mund t’u pëlqesh të gjithëve. Do të thotë që edhe kur të kritikojnë je duke bërë diçka. Kur nuk bën asgjë nuk të kritikojnë. Kritikat të bëjnë të përmirësohesh. Masa e ka kuptuar atë që ka ndodhur aty brenda. Duke parë të përfshirë vëllain dhe shoqen time më të mirë duke dhënë intervista, ata janë njerëz që punojnë 12 orë në ditë dhe nuk kanë pasur kohë ta shohin gjithë ditën Big-un. Më ka ardhur keq që ndonjë opinionist i fushës suaj, që pa u siguruar si qëndron gjëja, i ka vënë gishtin vëllait tim. Ka dalë një video që sikur unë brenda shtëpisë kam lëshuar gazra, që nuk ka ndodhur. Një gazetar profesionist i është drejtuar vëllait që ‘a je krenar që motra jote ka lëshuar gazra’. Gjë që nuk ka qenë aspak e vërtetë. Unë e kam thënë shpesh aty, që nëse unë dhe një mashkull do bënim gazra, atij do i thonin që ‘të lumtë pushka’, ndërsa mua do më thonin ‘sa turp’. Gjë që ka ndodhur aty nga një mashkull”, tha Ceno./gsh