E mbajti të fshehtë për 2 vite, vajza e Shyhrete Behlulit i thotë ‘po’ propozimit për martesë, ja kush është djali që i rrëmbeu zemrën këngëtares
Vajza e këngëtares nga Kosova, Shyhrete Behlulit, Engjëllusha Salihu dy javë më parë i tha “po” propozimit për martesë të partnerit të saj, Mërgim.
E teksa prej dy vitesh e ka mbajtur të fshehtë lidhjen e dashurisë, këngtarja gjatë një interviste për “Prive” tregoi se i dashuri i saj nuk është një personazh i njohur për publikun shqiptar.
Gjithashtu Engjellusha rrëfeu detaje nga takimi i tyre i parë, duke treguar se gjëja që i ka bërë pështypje te Mërgimi ishte se ai nuk e njihte si këngëtare, dhe i ka pëlqyer ajo për atë çfarë është dhe jo për karrierën e saj muzikore.
“Mërgimi nuk më ka njohur, as nuk më ka njohur që jam këngëtare, as nuk ma ka ditur emrin. Atë natën (në një dasmë) jemi prezantuar që jam këngëtare… Gjëja që më ka lënë përshtypje është që nuk e ka pasur idenë se kush jam dhe çfarë bëj, që unë i kam pëlqyer si Engjëlli. Është komplet i shkëputur nga estrata dhe kjo mu ka duk interesante”, u shpreh këngëtarja.
