Rreth 50,000 metra kub ujëra të zeza janë hedhur në lumin Senë të Parisit gjatë disa javëve të fundit, për shkak të problemeve me sistemin e pompimit në një periferi në veriperëndim të kryeqytetit francez, kanë thënë zyrtarët lokalë.
Ngjarja ka ndodhur dy muaj para fillimit të Lojërave Olimpike Verore. Autoritetet franceze po nxitojnë të pastrojnë lumin në mënyrë që atletët të mund të notojnë në të gjatë garës së triatlonit.
Ka pasur një mosfunksionim të madh në rrjetin që dërgon ujërat e zeza nga Conflans-Sainte-Honorine në impiantin e trajtimit,” tha kryebashkiaku Laurent Brosse për La Gazette du Val d’Oise të mërkurën. Ai tha se tre pompa kanë ndërprerë punën për shkak të ndërprerjes elektrike dhe se janë vendosur pompa të përkohshme.
Rreth 50,000 metra kub ujëra të zeza janë lëshuar në lumë që nga incidenti, sipas administratës së zonës Grand Paris Seine et Oise, e cila përfshin Conflans-Sainte-Honorine. Zyrtarët thanë se shkarkimi i ujit të ndotur nga sistemi i prishur i pompimit është ndalur./OraNews
