“Unë do të bëj çdo operacion plastik që mund të dua kur të jem gati…”/ Aktorja e famshme habit me deklaratën

Aktorja e famshme, Sofia Vergara, ka folur së fundmi në lidhje me kirurgjinë plastike dhe planet e saj për t’iu nënshtruar procedurave të ndryshme në të ardhmen

Aktorja e famshme, Sofia Vergara, ka folur së fundmi në lidhje me kirurgjinë plastike dhe planet e saj për t’iu nënshtruar procedurave të ndryshme në të ardhmen.

51-vjeçarja e cila ka treguar se ende nuk ka bërë ndonjë operacion të madh estetik, ka shtuar se një gjë të tillë synon t’a ndjekë së shpejti.

Pavarësisht se nuk ka kryer ndërhyrje kirurgjikale, Vergara është një adhuruese e botox-it, të cilin e përdor rregullisht. Teksa u pyet se pse e mbështet kirurgjinë plastike, aktorja e famshme vlerësoi aftësinë e saj për të ndryshuar çdo aspekt të pamjes së një personi, duke u dhënë individëve lirinë për të përmirësuar pamjen e tyre sipas preferencave të tyre. 51-vjeçarja tha për revistën “Allure” se:

“Unë do të bëj çdo operacion plastik që mund të bëj kur të jem gati. Do të doja të kisha më shumë pushim dhe do të kisha bërë gjëra tashmë. Por për shkak se jam para kamerës, nuk është se mund të bëj diçka dhe pastaj të jem në shtëpinë time duke u rikuperuar për javë të tëra. Unë nuk besoj në filler. Ndjej se filleri bën mirë kur je vërtet i ri dhe dëshiron pak më shumë faqe ose të mbushësh pak buzët. Në moshën time ndiej se nuk do t’ju bëjë të dukeni më të rinj. Kjo do t’ju bëjë të dukeni më e bërë”.

Ndërkohë kujtojmë se Sofia zgjodhi të zyrtarizonte së fundmi lidhjen e saj me Dr.Justin Saliman me anë të një postimi sa qesharak, po aq edhe ‘djallëzor’ në “Instagram”-in e saj.

Në fotografi duket e shtrirë, me gjurin e fashuar dhe përballë saj ndodhej kirurgu ortopedik Justin Saliman. “Nëse keni një ndërhyrje kirurgjikale në gju, sigurohuni t’jua bëjë një doktor simpatik i cili do të flejë me ju atë natë. Të dua Dr. Justin Saliman”-shkruan ajo, duke e shoqëruar me një emoji duke qeshur dhe një zemër./gsh