Tri kategoritë e profesionistëve të lirë që do të përfitojnë 30% zbritje të shpenzimeve nga tatim fitimi

Tatimet bëjnë me dije tri kategoritë e profesionistëve të lirë që do të përfitojnë 30% e zbritjes së shpenzimeve.

Tatimet thonë se njohja e shpenzimeve në masën 30% do të ndodhë vetëm për 9 mijë biznese:

– Tatimpaguesit, që gjatë vitit 2024 figurojnë me dy përgjegjësi tatimore (TTHF+TF);

– Tatimpaguesit me përgjegjësinë tatimore Tatim Fitimi, që kishin këste të gjeneruara për periudhën janar-mars 2024;

– Tatimpaguesit, persona fizikë me qarkullim deri në 1 milion lekë, për të cilët është përllogaritur paraprakisht njohja e shpenzimeve në masën 30%, sipas nenit 14 të ligjit të ri.

Ndërkohë, për pjesën tjetër, pasi në total, në skemë janë përfshirë rreth 25 mijë biznese, do të bëhet llogaritja e shpenzimeve në masën 30% në deklaratën e vitit të ardhshëm./OraNews