Sot rikthehet një nga fermerët e larguar, dy sfida eliminimi dhe surpriza për konkurentët

Pulsi i fermerëve V.I.P. vijon të ketë luhatje të forta ndërsa një tjetër valë emocionesh do të testojë qëndrimin e tyre, gjatë mbrëmjes së sotme prime në ekranin e Vizion Plus.

Një verdikt final do të dalë nga e ashtuajtura përplasje titanësh, mes Florian Agalliu-t dhe Valer Kolnikaj-t, në sfidën e dytë të tyre. Ndërkohë, në dy televotime paralele, publiku do të mundet të rikthejë në garë njërin nga tetë personazhet që janë larguar deri më tani nga Ferma V.I.P.

Nga ana tjetër, dy më pak të preferuarit e publikut, nga tetë konkurentët që janë në Fermë, do të përballen në sfidën tjetër të eliminimit.

Sakaq, rikthimi i Ditea Berishës, e prezenca e Robert Aliaj Dragot në Fermë, kanë ndikuar jo pak ndasitë preferenciale të fermerëve, çka ka prekur disi edhe strategjitë e tyre.

Tensione e luhatje në raportet mes tyre, ka shkaktuar edhe “qeverisja” e Baby G në rolin e kryefermeres, çka është përcjellë edhe me xhelozi apo ndryshim qëndrimi për punët e fermës.

Ndërsa jemi kuriozë të mësojmë edhe dëshirën e mbajtëses së hajmalisë. Gjatë spektaklit, Çiljea Xhilaga pret surprizën e saj. Por gjithashtu nuk do të mungojnë shpërblimet apo dënimet sa i takon sfidave që ka ngarkuar agai si dhe respektimit të rregullores në fermë.

Tring kujdeset që të mos humbisni asnjë detaj përmes Ferma Vip 1 dhe Ferma Vip 2 por ju gjithashtu mund të ndiqni përmbledhjet në kanalin zyrtar të you tube Ferma V.I.P. Albania. /vizionplus.tv