Fitorja shkon sërish në Shkodër? Jul Deda: “Ky është një Big Brother i paparashikueshëm”!

“Patjetër që e kam me emocion, por kam një ndjesi që unë…”

Sot ishte episodi i fundit i emisionit më të dashur nga banorët e shtëpisë më të famshme në Shqipëri, “BBV – Live nga shtëpia”, vetëm në valët e Top Albania Radio. Në këtë episod të fundit, Jonida Aliçkolli dhe Elona Duro ishin dy moderatoret prezente në shtëpi të cilat intervistuan një e nga një banorët finalistë.

I pyetur nga Jonida se nëse vshtë ndjerë i frikësuar nëse kupa nuk do të shkojë për herë të dytë radhazi në Shkodër, Jul Deda u përgjigj:

Ky është Big Brother, për mua me çfarë kemi parë këtu, është i paparashikueshëm. Jo si vjet që u krye që në muajin e parë. Ky është i paparashikueshëm. Patjetër që e kam me emocion, por kam një ndjesi që unë do ta fitoj këtë histori dhe këtë Big Brother dhe do ta çoj kupën në Shkodër prapë, por që ky është i paparashikueshëm dhe nuk ja mohoj as të tjerëve ta mendojnë të njëjtën gjë për veten e vet.

/gsh